Şimali Kipr: oktyabr ayında həyat bahalığı 1,07 faiz artıb

Şimali Kipr Türk Respublikasının Statistika Qurumu oktyabr ayında həyat bahalığının əvvəlki aya nisbətən 1,07 faiz artdığını açıqladı. Qurumun dərc etdiyi məlumatlara görə, həyat bahalığı əvvəlki ilin dekabr ayına nisbətən 29,52 faiz, keçən ilin oktyabr ayına nisbətən isə 34,99 faiz dəyişiklik göstərib.

Əsas xərc qrupları üzrə əvvəlki aya nisbətən ən yüksək artım 14,09 faiz ilə geyim və ayaqqabı qrupunda qeydə alınıb. Rabitə 4,20, qida və alkoqolsuz içkilər 2,72, nəqliyyat 2,68 və səhiyyə 1,85 faiz artım göstərib. Restoran və otellər qrupunda isə 6 faiz qiymət düşüşü baş verib.

Endeksdə əhatə olunan 431 mal növünün orta qiymətləri artıb, 133 növün qiymətləri isə azalıb. Ən çox qiymət artımı olan məhsullar arasında 84,22 faizlə xiyar, 50 faizlə məktəb servis haqqı və 50 faizlə milli lotereya bileti olub. Ən çox ucuzlaşan məhsullar isə 58,18 faizlə nar, 40,34 faizlə limon və 35,31 faizlə kahı olub.