Şavkat Mirziyoyev Astanaya işgüzar səfərini başa vurdu

Özbəkistan Prezidenti Şavkat Mirziyoyev Qazaxıstanın paytaxtı Astanaya işgüzar səfərini başa vurdu. Səfər çərçivəsində Mirziyoyev süni intellekt sahəsində təhlükəsizlik məsələlərinə dair Aqaba prosesi çərçivəsində keçirilən Mərkəzi Asiya dövlət liderlərinin görüşündə iştirak etdi.

Görüşdə beynəlxalq və regional təhlükəsizliyin təmin edilməsi, terrorizm və ekstremizmlə mübarizə, rəqəmsal texnologiyaların inkişafı ilə bağlı yeni risk və təhdidlərə birgə qarşı durma məsələləri müzakirə olundu. Tədbir çərçivəsində Mirziyoyev Ürdün Kralı II Abdullah ilə görüşdü. Qazaxıstan, Tacikistan və Türkmənistan prezidentləri, Azərbaycan və Qırğızıstanın yüksək vəzifəli nümayəndələri və Aqaba prosesinin moderatoru ilə də söhbətlər olub.

Astana Beynəlxalq Hava Limanında Mirziyoyevi Qazaxıstan Prezidenti Qasım-Comart Tokayev yola salıb. Dövlət başçısı Daşkəndə yola düşüb.