Feridun Sinirlioğlu: BMT Nizamnaməsi Kipr məsələsində işimə rəhbərlik edəcək

Türkiyənin BMT Baş katibliyinə namizədi Feridun Sinirlioğlu seçildiyi təqdirdə müstəqil və qərəzsiz hərəkət edəcəyini bildirib. Hazırda Avropada Təhlükəsizlik və Əməkdaşlıq Təşkilatının (ATƏT) baş katibi vəzifəsini icra edən Sinirlioğlu, BMT Baş qərargahında namizədlərlə keçirilən interaktiv dialoq görüşündə münaqişələrin qarşısının alınması və həllində diplomatiya və beynəlxalq hüququ əsas tutacağını deyib.

O, BMT Baş katibliyinə niyə namizəd olduğunu “BMT-ni qüsursuz hesab etdiyimə görə deyil, onun əvəzolunmaz olduğuna inandığım üçün buradayam” sözləri ilə izah edib. Görüşdə Rum tərəfinin BMT-dəki daimi nümayəndəsi Maria Michael Kipr Respublikasının statusu, 2023-cü ildə Pilədə baş verən hadisələr, bağlı Maraş və BMT Təhlükəsizlik Şurasının qərarları ilə bağlı suallar verib. Sinirlioğlu hər suala ayrılıqda cavab vermək əvəzinə, seçildiyi təqdirdə işini BMT Nizamnaməsi çərçivəsində aparacağını bildirib.

Yunanıstan isə Türkiyə ilə Liviya arasında imzalanmış dəniz yetki sahələri memorandumu barədə sual verib. Sinirlioğlu Türkiyə tərəfindən namizəd göstərildiyini, lakin seçildiyi təqdirdə Türkiyəni təmsil etməyəcəyini, öz ölkəsinin nümayəndəsi deyil, müstəqil beynəlxalq vəzifəli şəxs kimi çıxış edəcəyini söyləyib. Mətbuat konfransında isə “Tərəfsiz və müstəqil Baş katib olacağam” deyə vurğulayıb.