Özbəkistanda 9 ayda enerjinin qeyri-qanuni istifadəsi 825 milyard som zərərə səbəb olub

Özbəkistanda Nazirlər Kabinetinin nəzdindəki Elektrik enerjisi, neft məhsulları və qazdan istifadəyə nəzarət inspeksiyası (Uzenergoinspection) 2026-cı ilin doqquz ayı ərzində enerji resurslarının qeyri-qanuni istifadəsi və qaydaların pozulması ilə bağlı 2.795 hal aşkar edildiyini bildirib. 129,1 milyon kub metr təbii qazın və 226,4 milyon kVt/saat elektrik enerjisinin qeyri-qanuni istifadəsi nəticəsində dövlət maraqlarına ümumilikdə 825,3 milyard som zərər vurulub. Qaydaları pozan 4.196 istehlakçı barədə inzibati protokol tərtib edilib.

Neft məhsullarının keyfiyyətinə nəzarət tədbirləri zamanı avtomobil yanacaqdoldurma məntəqələri və müəssisələrdən götürülmüş nümunələrin 308 halında 7.435 ton neft məhsulunun keyfiyyətsiz olduğu müəyyən edilib və onların satışa çıxarılması qarşısı alınıb. Həmçinin 9.168 obyektin elektrik təchizatı layihələri ekspertizadan keçirilib, 5.674 istehlakçının elektrik qurğuları texniki baxışdan keçirilib.

İnspeksiya 199 sahibkarlıq subyektinin elektrik enerjisi üçün 3,632 milyard som, təbii qaz üçün 12,084 milyard som artıq hesablanmış məbləğləri yenidən hesablayıb. İstehlakçılara şəbəkələrə qanunsuz qoşulmamaq çağırışı edilib. Yeni qanunla cərimələr artırılıb, təkrar pozuntuya görə cinayət məsuliyyəti tətbiq olunur.