Buxara və Fərqanə neft emalı zavodları modernizasiya olunacaq

Özbəkistan Prezidenti qazın yalnız elektrik enerjisi almaq üçün deyil, dərindən emal edilərək daha çox əlavə dəyər yaratmaq üçün istifadə olunmasının vacibliyini vurğuladı. Xəbər UzA tərəfindən verilib.

Qəşqədərya vilayətindəki sintetik maye yanacaq kompleksində ildə 1,5 milyon tona qədər yanacaq və digər məhsullar istehsal olunur. Buxara vilayətində polietilen, polipropilen və PET məhsulları istehsalına yönəlmiş MTO layihəsinin mütləq həyata keçiriləcəyi qeyd edilib. Buxara və Fərqanə neft emalı zavodlarının modernizasiyası da nəzərdə tutulub.

Dövlət başçısı yeni texnologiyalara əsaslanan, ekoloji tələblərə cavab verən və iqtisadi cəhətdən əsaslandırılmış layihələr üzrə investorların təkliflərini gözlədiyini bildirib.