Aksa Enerji Daşkənd, Sırdəryə və Cizzax vilayətlərinin elektrik şəbəkələrini idarə edəcək

Spot-un məlumatına görə, Prezident Şavkat Mirziyoyev oktyabrın 16-da yanacaq-energetika sektorunun investorlar şurasının üzvləri ilə bir sıra görüşlər keçirib. Görüşlərdən birində Aksa Enerji şirkətinin idarə heyətinin sədri Cemil Kazancı ilə Özbəkistandakı əməkdaşlığın genişləndirilməsi müzakirə olunub. Tərəflər konkret layihələr üzrə işin sürətləndirilməsi barədə razılığa gəliblər.

Kazancı O'zbekiston 24 kanalına müsahibəsində qrupun paylayıcı elektrik şəbəkələrinə investisiya qoymağı planlaşdırdığını, məqsədin enerji itkilərini azaltmaq, maya dəyərini aşağı salmaq və səmərəliliyi artırmaq olduğunu bildirib. Görüşdə Daşkənd, Sırdəryə və Cizzax vilayətlərindəki layihələr müzakirə edilib. Aksa Enerji Səmərqənd vilayətində başladığı elektrik şəbəkələrinin idarəsi fəaliyyətini genişləndirmək üçün növbəti həftə ərzində bu layihələr üzrə razılaşmalar imzalamağı planlaşdırır.

Aksa Enerji Özbəkistanda ümumi dəyəri 750 milyon dollar olan dörd elektrik stansiyası tikib. Səmərqənd elektrik şəbəkəsi dövlət-özəl tərəfdaşlıq modeli ilə 30 il müddətinə idarəyə verilib, şirkət modernizasiya üçün 1 milyard dollar investisiya planlaşdırır. Özəl tərəfdaş ilk 10 ildə ən azı 350 milyon dollar, ilk iki ildə isə ən azı 27 milyon dollar investisiya qoymalıdır. Şəbəkələr dövlət mülkiyyətində qalacaq.