Aqtoqay mis əridici zavodunda 1000-dən çox iş yeri açılacaq

Qazaxıstan Prezidenti Qasım-Jomart Tokayev, Aqtoqay mis əridici zavodunun tikintisinin başlanması mərasimində teleköprü rejimində iştirak edib. O, zavodu bütün ölkə iqtisadiyyatının inkişafına yeni təkan verəcək ən mühüm layihələrdən biri adlandırıb. Bu barədə Ak Orda mətbuat xidməti məlumat verib.

Müəssisədə filizin zənginləşdirilməsindən hazır metalın istehsalınadək tam istehsal dövrü nəzərdə tutulub. Kompleks öz yatağından əldə edilən mis konsentratını emal edəcək. Layihəni KAZ Minerals qrupu həyata keçirir, Çinin NFC şirkəti isə mühəndislik tərəfdaşıdır. Təşəbbüsə təxminən 1,8 milyard dollar investisiya qoyulacaq və 1000-dən çox yeni iş yeri açılacaq.

2030-cu ildə ilk mis katodunun istehsalı planlaşdırılır. Zavodda misdən başqa qızıl, gümüş və digər yan məhsullar da istehsal olunacaq. Xəbərdə ölkədə son iki ildə 54 yeni yatağın açıldığı da qeyd edilib.