Hökumət başçısı xarici investorlarla birgə layihələri müzakirə edib

Baş nazir Olcas Bektenov Şımkentdə keçirilən IX Kazakhstan Global Investment Roundtable çərçivəsində Aksa Energy, Carlsberg Kazakhstan, Solico Group və CONTEC şirkətlərinin rəhbərləri ilə görüşərək Qazaxıstandakı investisiya layihələrini müzakirə edib.

Görüşlərdə enerji, qida sənayesi, aqrar-sənaye kompleksi və kosmos sahələrində əməkdaşlığın genişləndirilməsi, istehsalın yerli laşdırılması və yeni texnologiyaların tətbiqi məsələləri nəzərdən keçirilib. Yerli məhsul və təchizatçıların payının artırılmasına üstünlük verilib. Aksa Energy ilə görüşdə Qızılordada dəyəri 215 milyard tenge olan buxar-qaz qurğusunun işə salındığı qeyd olunub. Stansiya 240 MVt elektrik enerjisi və saatda 277 Gkal istilik istehsal edir və bu ilin iyun ayında kommersiya istifadəsinə verilib.

Carlsberg Kazakhstan ilə görüşdə Almatı vilayətində dəyəri 344 milyon dollar olan alkoqolsuz içki zavodunun bu ilin 1 oktyabrında işə salındığı və 230 daimi iş yerinin açıldığı bildirilib. Şirkətin yerli məzmun payı 71,5 faiz təşkil edir. Solico Group ilə Almatı vilayətində pendir zavodunun tikintisi müzakirə olunub. Təxminən 45 milyard tenge investisiya qoyulan zavodun ildə 41 min ton məhsul istehsal etməsi və 2029-cu ildə istifadəyə verilməsi planlaşdırılır. Görüşlərdən sonra Bektenov nazirliklərə və məsul təşkilatlara investisiya layihələrinə lazımi dəstək göstərilməsini tapşırıb.