Özbəkistan COP31-də 2035-ci il üçün emissiya azaltma hədəfini təqdim edəcək

Özbəkistan Antalyada (Türkiyə) noyabrın 9-20-də keçiriləcək BMT-nin İqlim Dəyişikliyi üzrə Çərçivə Konvensiyasının 31-ci Tərəflər Konfransında (COP31) yenilənmiş Milli Səviyyədə Müəyyən Edilmiş Töhfə (NDC 3.0) sənədini təqdim edəcək. Ölkənin Ekologiya və İqlim Dəyişikliyi üzrə Milli Komitəsinin məlumatına görə, Özbəkistan 2035-ci ilə qədər ÜDM vahidinə düşən istixana qazı emissiyalarını 2010-cu il səviyyəsi ilə müqayisədə 50 faiz azaltmağı planlaşdırır.

Konfransda ölkə yaşıl enerji, enerji səmərəliliyi, müasir texnologiyalar və iqtisadiyyat sahələrinin iqlim dəyişikliyinə davamlılığı üzrə milli yanaşmalarını təqdim edəcək. Əsas tədbirlərdən biri iqlim miqrasiyasına və beynəlxalq əməkdaşlığa həsr olunacaq. Milli pavilyonda keçiriləcək yüksək səviyyəli tədbirdə Mərkəzi Asiya və Cənubi Qafqaz ölkələrinin iqlim miqrasiyası üzrə «İpək Yolu Bəyannaməsi» (Silk Road Declaration) qəbul etməsi planlaşdırılır. Həmçinin «Yashil Makon» milli layihəsi və Aral dənizinin quruyan dibində meşəsalma təşəbbüsləri təqdim olunacaq.