Özbəkistan: Cizzax AES-in iki iri enerji blokunun tikintisi 2027-ci ildə başlaya bilər

Dunyo xəbər agentliyi World Nuclear News portalına istinadən, Rosatom məlumatına görə, Özbəkistanda VVER-1000 reaktorlu iki iri enerji blokunun kiçik modul reaktorların yanında yerləşdiriləcəyini bildirib. Hazırda sahədə mühəndis-axtarış işləri aparılır və layihə təkmilləşdirilir.

Sahədə iki kiçik modul reaktorun tikintisi davam edir. Təməlin ilk beton plitəsi 2026-cı ilin may ayında tökülüb və bununla bağlı işlərin il sonunadək başa çatdırılması planlaşdırılır. Kiçik bloklardan biri üçün reaktor korpusu artıq hazırdır. Birinci kiçik blokun istismar işçilərinin işə götürülməsi 2027-ci ilin sonunda planlaşdırılır. Rosatom rəhbəri Aleksey Lixaçyov, layihənin ixrac modeli üzrə həyata keçirilən dünyada yeganə kiçik atom elektrik stansiyası olduğunu vurğulayıb.

Hal-hazırda tikinti sahəsində min nəfərdən çox işçi çalışır və yaxın aylarda işçilərin sayının ən azı iki dəfə artırılması planlaşdırılır. Ümumi tikinti işlərinin böyük hissəsinin Özbəkistan şirkətlərinə həvalə edilməsi nəzərdə tutulur. Stansiya yaxınlığında qurulması planlaşdırılan nüvə qəsəbəsinin birinci mərhələsi 33 min sakin üçün nəzərdə tutulur. Prezident Şavkat Mirziyoyevin Lixaçyovla görüşündə atom eneretikası üçün kadr hazırlığı və mənzil tikintisi sahəsində əməkdaşlıq məsələləri də müzakirə olunub.