Azərbaycan və Türkiyə xarici işlər nazirləri Ankarada ikitərəfli münasibətləri müzakirə etdilər

Azərbaycanın xarici işlər naziri Ceyhun Bayramov Ankarada davam edən Türk Dövlətləri Təşkilatının (TDT) Xarici İşlər Nazirləri Şurasının 13-cü iclası çərçivəsində Türkiyənin xarici işlər naziri Hakan Fidan ilə görüşüb. AZERTAC-ın xəbərinə görə, görüş barədə Azərbaycan XİN-i sosial şəbəkə X-də paylaşım edərək məlumat verib. Xəbəri AZERTAC-ın Ankara müxbiri Ramin Abdullayev hazırlayıb.

Nazirliyin məlumatına görə, görüşdə Azərbaycan-Türkiyə ikitərəfli münasibətlərinin cari vəziyyəti və perspektivləri, TDT çərçivəsində əməkdaşlıq və qarşılıqlı maraq doğuran digər məsələlər müzakirə olunub. Nazirlər həmçinin regional və beynəlxalq proseslər barədə fikir mübadiləsi aparıblar.