Özbəkistan Prezidenti Mirziyoyev OYAK şirkətinin rəhbərini qəbul edib

Özbəkistan Prezidenti Şavkat Mirziyoyev Türk Dövlətləri Təşkilatının növbəti zirvə toplantısı çərçivəsində Türkiyənin OYAK şirkətinin baş direktoru Murat Yalçıntaşı qəbul edib.

Dövlət başçısı son illərdə Türkiyə ilə strateji tərəfdaşlıq münasibətlərinin ardıcıl inkişaf etdiyini bildirib və bu prosesdə iş dairələri nümayəndələrinin rolunun və töhfəsinin əhəmiyyətini vurğulayıb. Söhbət zamanı türk tərəfdaş Yeni Özbəkistanda kimya sənayesi, geologiya və tikinti sahələrində birgə investisiya layihələrinin həyata keçirilməsinə maraq göstərib. Bildirilib ki, ölkə hər investor üçün geniş imkanlar açır.

Şirkətin, həmçinin Yeni Daşkənddə yaşayış kompleksləri və xarici infrastruktur obyektlərinin tikintisində fəal iştirak etməyə hazır olduğu vurğulanıb.