Özbəkistan və Türkiyə Biznes Dəstəyi üzrə Yüksək Səviyyəli Şura yaratmaq üçün saziş imzaladı

Özbəkistan Prezidenti Şavkat Mirziyoyev və Türkiyə Prezidenti Rəcəb Tayyib Ərdoğan Ankarada aparılan danışıqların yekunları üzrə Biznesin dəstəklənməsi üzrə Yüksək Səviyyəli Şura yaradılması haqqında sazişi imzalayıblar. Bu barədə dövlət başçısının mətbuat xidməti məlumat verib.

Həmçinin müxtəlif istiqamətləri əhatə edən ikitərəfli sənədlər paketi imzalanıb. Onlar arasında güzəştli ticarət sazişi çərçivəsində malların siyahısının genişləndirilməsi haqqında protokol; sosial təminat üzrə hökumətlərarası saziş və onun həyata keçirilməsi üzrə inzibati saziş; 29 mart 2022-ci ildə imzalanmış, dövlət sərhədləri vasitəsilə malların və nəqliyyat vasitələrinin keçidi barədə əvvəlcədən məlumat mübadiləsi protokoluna dəyişikliklər edilməsi haqqında əlavə protokol var.

Mətbuat xidmətinin bildirdiyinə görə, imzalanan sənədlər ticarət-iqtisadi əməkdaşlığı daha da genişləndirməyə, sahibkarlar üçün əlverişli şərait yaratmağa və iki ölkə vətəndaşlarının sosial hüquqlarının səmərəli qorunmasına yönəlib.