Türkmənistan Prezidenti Serdar Berdimuhamedova Hacettepe Universitetindən fəxri doktorluq

Türkmənistan Prezidenti Serdar Berdimuhamedov Türkiyəyə səfəri zamanı 30 oktyabrda Ankaradakı Hacettepe Universitetində Beynəlxalq münasibətlər üzrə fəxri doktorluq dərəcəsi alıb. Bu barədə Türkiyə Vitse-prezidenti Cövdət Yılmazın rəsmi X səhifəsində məlumat verilib.

Mərasimdə Yılmazla yanaşı universitetin rəhbərliyi, akademik ictimaiyyət və digər rəsmi şəxslər iştirak edib. Tədbirdə Türkiyə ilə Türkmənistan arasındakı dostluq münasibətlərinin və elm, təhsil, texnologiya və ali təhsil müəssisələri arasında əməkdaşlığın əhəmiyyəti vurğulanıb.

Yılmaz çıxışında türk dövlətləri arasında əməkdaşlığın ortaq tarix, dil və mədəniyyətlə yanaşı elmi və akademik əlaqələri də əhatə etməli olduğunu bildirib. O, universitetlər arasında əməkdaşlığın genişləndirilməsinin, birgə elmi tədqiqatların inkişafının və ali təhsil sahəsində əlaqələrin möhkəmlənməsinin vacibliyini vurğulayıb.