Qazaxıstanda mobil köçürmələr üzrə vergi yoxlanışı həddi artırılıb

Qazaxıstanda fiziki şəxslərin mobil köçürmələrinin vergi yoxlanışı üçün hədd məbləği artırılıb. Xəbərə görə, vergi orqanlarının diqqətini artıq üç ay ərzində ümumilikdə 1 560 000 tenge-dən çox daxilolmalar cəlb edə bilər. Dəyişiklikləri əks etdirən əmri Maliyyə naziri Madi Takiyev imzalayıb.

Yoxlama üçün təkcə məbləğin aşılması kifayət deyil; bir neçə şərtin eyni anda yerinə yetirilməsi tələb olunur. Üç ay ərzində 100 və daha çox fərqli göndərəndən pul daxil olmalı və həmin dövrdə ümumi köçürmə məbləği müəyyən həddi aşmalıdır. Banklar bu əməliyyatlara dair məlumatı Smart Data Finance rəqəmsal sistemi vasitəsilə Dövlət Gəlirləri Komitəsinə ötürəcək. Məqsəd şəxsi hesabları sahibkarlıq fəaliyyəti üçün istifadə edən, lakin biznesini qeydiyyata almayan və vergidən yayınanları müəyyən etməkdir.

Maliyyə Nazirliyi həmçinin qohumlar və dostlar arasındaki adi köçürmələrin özlüyündə vergi yoxlanışı üçün əsas olmadığını xatırladıb.