8,8 миллион адамның деректері осы құпиясөз арқылы ұрланған

Данияның орталық халық тіркеу жүйесіне (CPR) жасалған кибершабуыл миллиондаған азаматтың жеке деректерінің ағып кетуіне себеп болды. Қафқазинфо хабарлауынша, хакерлер жүйеге өте қарапайым «123456» құпиясөзі арқылы кірген.

Дания билік органдары 5 қазанда шамамен 8,8 миллион адамның аты-жөні, мекенжайы және жеке сәйкестендіру нөмірлеріне рұқсатсыз қол жеткізілгенін растады. Хакерлер мемлекеттік жүйені тікелей бұзудың орнына, жазбаларды сұрау құқығы бар «Pays ApS» IT компаниясының кіру деректерін пайдаланған. Политикен газетінің зерттеуі бойынша, шабуыл компанияның бұрынғы қызметкеріне тиесілі ұрланған тіркелгілер арқылы жасалған, ал компанияның кемінде үш тіркелгісінде, соның ішінде әкімші тіркелгісінде, құпиясөз «123456» болған. Компания директоры Софи Лаурсен халық тіркеу жүйесіне кіру ұрланғанын растаған.

The Register басылымының мәліметінше, шабуылшылар 10-нан 20 қыркүйекке дейін жүйеге 14 миллион автоматтандырылған сұрау жіберген. Оқиға тек 2 қазанда компанияға ерекше жоғары қызмет ақысы туралы шот-фактура келгеннен кейін анықталған. Дания құқық қорғау органдары компанияның мемлекеттік тізілімге қолжетімділігін бұғаттап, ауқымды полиция тергеуін бастаған.