Грузия мен Орталық Азия елдерінің сыртқы істер министрлері Батумиде кездесті

Грузия мен Орталық Азия елдері сыртқы істер министрлерінің Батумидегі алғашқы бірлескен кездесуі аяқталды. Кездесуге Түркменстанның Министрлер кабинеті төрағасының орынбасары және сыртқы істер министрі Рашид Мередов, Қазақстанның сыртқы істер министрі Мұхтар Тілеуберді, Қырғызстанның сыртқы істер министрі Жээнбек Құлубаев, Тәжікстанның сыртқы істер министрі Сироджиддин Мухриддин және Өзбекстанның сыртқы істер министрі Бахтиёр Саидов қатысты.

Кездесуде Грузия мен Орталық Азия елдері арасындағы әріптестік қатынастарының серпіні талқыланды. Ортақ мүдделерге негізделген саяси диалог пен ынтымақтастықты нығайтудың маңыздылығы атап өтілді.

Тараптар Еуропа мен Азия арасындағы байланысты нығайтудағы Грузия мен Орталық Азия елдерінің рөлін атап өтіп, Орта дәліз әлеуетін толық пайдалану қажеттігіне ерекше назар аударды. Сондай-ақ экономика, сауда, көлік және туризм сияқты маңызды салалардағы ынтымақтастықты тереңдету мүмкіндіктері талданды.