Gürcüstan və Mərkəzi Asiya ölkələrinin xarici işlər nazirləri Batumidə görüşdü

Gürcüstan və Mərkəzi Asiya ölkələrinin xarici işlər nazirlərinin Batumidə keçirilən ilk birgə görüşü başa çatdı. Görüşdə Türkmənistan Nazirlər Kabinetinin sədr müavini və xarici işlər naziri Rəşid Meredov, Qazaxıstan xarici işlər naziri Muxtar Tleuberdi, Qırğızıstan xarici işlər naziri Jeenbek Kulubayev, Tacikistan xarici işlər naziri Sirojiddin Muhriddin və Özbəkistan xarici işlər naziri Baxtiyor Saidov iştirak etdi.

Görüşdə Gürcüstan ilə Mərkəzi Asiya ölkələri arasında tərəfdaşlıq münasibətlərinin dinamikası müzakirə edildi. Ümumi maraqlara əsaslanan siyasi dialoqun və əməkdaşlığın möhkəmləndirilməsinin vacibliyi vurğulandı.

Tərəflər Avropa ilə Asiya arasında əlaqələrin möhkəmləndirilməsində Gürcüstan və Mərkəzi Asiya ölkələrinin rolunu vurğulayaraq Orta Dəhlizin potensialından tam istifadənin önəmini qeyd etdi. İqtisadiyyat, ticarət, nəqliyyat və turizm kimi sahələrdə əməkdaşlığın dərinləşdirilməsi imkanları təhlil edildi.