Özbəkistan Prezidenti BƏƏ-nin investorlarını qəbul edib

Özbəkistan Prezidenti Şavkat Mirziyoyev Daşkənddə yanacaq-enerji sektorunda İnvestorlar Şurasının ilk iclası çərçivəsində Birləşmiş Ərəb Əmirliklərinin aparıcı şirkətlərinin rəhbərlərini qəbul edib. Görüşdə Masdar şirkətinin baş icraçı direktoru Məhəmməd Cəmil əl-Rəmahi və AMEA Power şirkətinin sədri Hüseyn əl-Novays iştirak edib.

Görüşdə Əmirliklərlə strateji tərəfdaşlığın dinamik inkişafı məmnunluqla qeyd olunub. İlin əvvəlindən qarşılıqlı ticarət həcmi 40 faiz artıb və iri investisiya layihələri uğurla həyata keçirilir.

Görüşün nəticəsi olaraq yaşıl enerji, müasir infrastruktur, sahə və sənaye əməkdaşlığı, turizm və xidmət sahələri üzrə layihələrin sürətləndirilməsi və genişləndirilməsi barədə razılığa gəlinib.