Türkmənistan nümayəndə heyəti Böyük Britaniyanın metan emissiyalarını azaltma təcrübəsini öyrəndi

Türkmənistanın neft-qaz sektoru və müvafiq nazirliklərinin nümayəndələri metan emissiyalarının ölçülməsi, monitorinqi və azaldılması texnologiyalarını öyrənmək məqsədilə Böyük Britaniyaya səfər ediblər. Tanışlıq səfərini Böyük Britaniyanın Türkmənistandakı səfirliyi və Almaniya Beynəlxalq Əməkdaşlıq Cəmiyyəti (GIZ) birgə təşkil edib. Bu barədə çərşənbə günü Böyük Britaniyanın Türkmənistandakı səfirliyi məlumat verib.

Heyətə dövlət konsernləri Türkmengaz və Türkmennebit, habelə enerji, ətraf mühitin mühafizəsi və xarici işlər nazirliklərinin nümayəndələri daxil olub. Heyət Londonda, Aberdində, Piterhedda və Tisaydda Böyük Britaniya hökumətinin ekspertləri, alimlər və sahə mütəxəssisləri ilə görüşüb və praktik həlləri yerində görüb.

Heyət metan siyasəti, ölçmə elmi, peyk monitorinqi, təşkilatlanmamış emissiyalar və qazın məşəldə yandırılması üzrə idarəetmə təcrübəsini öyrənib. Proqrama Böyük Britaniyanın Enerji Təhlükəsizliyi və Sıfır Emissiya Nazirliyi (DESNZ), Royal Holloway sera qazları tədqiqat qrupu, Offshore Energies UK, GHGSat və BP kimi təşkilatlar daxil olub.