Qazaxıstan: 2027-ci ildən sığortasız vətəndaşlara bəzi müayinələr pulsuz olacaq

Qazaxıstanda 2027-ci il yanvarın 1-dən məcburi tibbi sığorta (MTS) sistemində sığortalanmamış vətəndaşlar poliklinikalarda bəzi əsas tibbi müayinələrdən pulsuz keçə biləcəklər. Müayinə zamanı ictimai əhəmiyyətli xəstəlik aşkarlanarsa, onun diaqnostika və müalicə xərclərini dövlət ödəyəcək. Bunu Səhiyyə naziri Akmaral Alnazarova hökumət brifinqində bildirib; xəbər TengriHealth-ə istinadən verilib.

Nazirin sözlərinə görə, sığorta statusundan asılı olmayaraq, ilkin tibbi-sanitar yardım çərçivəsində bəzi müayinələr hamı üçün əlçatan olacaq. Bunlara ümumi qan və sidik analizi, qan təzyiqinin ölçülməsi, EKQ, flüoroqrafiya, pulsoksimetriya və qarın boşluğu ilə böyrəklərin ultrasəs müayinəsi daxildir. Onkoloji xərcləri isə dövlət tam ödəyəcək. Lakin nazir hər növ müayinə və müalicənin pulsuz olmadığını vurğulayıb.

Alnazarova yeni müayinələrin vətəndaşların gəlir vəziyyətini qiymətləndirən kalkulyatorla əlaqələndirilməyəcəyini deyib. O, 2026-cı il yanvarın 1-dən etibarən D və E kateqoriyalı şəxslər üçün icra hakimiyyətlərinin MTS haqlarını ödədiyini və nəticədə 750 mindən çox insanın sığortalı statusu qazandığını xatırladıb.