Oʻzbekiston davlat organlari 43 turdagi axborotni oshkor etishi shart

Oʻzbekistonda davlat organlari va tashkilotlari ijtimoiy ahamiyatga ega 43 turdagi axborotni Ochiq maʼlumotlar portalida va rasmiy veb-saytlarida joylashtirishi shart. Ushbu maʼlumotlar roʻyxati qonunchilikda eʼlon qilingan. Xabarni UzDaily Toshkentdan yetkazdi.

Roʻyxatga mansabdor shaxslarning xizmat safari va xorijiy mehmonlarni qabul qilish xarajatlari, xizmat transporti, turar joy va boshqa koʻchmas mulkdan foydalanish, xarid komissiyalari tarkibi va davlat xaridlari, boʻsh ish oʻrinlari, ishga qabul shartlari va talablar kiradi. Shuningdek, hajga navbat hududlar kesimida, davlat oliy taʼlim muassasalarining daromad va xarajatlari, mahalliy byudjet mablagʻlaridan foydalanish hamda bolalarni davlat maktabgacha taʼlim tashkilotlariga qabul qilish arizalarining tartibi koʻrsatiladi. Bu maʼlumotlarni oʻz vaqtida va sifatli joylashtirish uchun jamoatchilik bilan aloqalar va fuqarolar murojaatlari bilan ishlaydigan boʻlinmalar masʼul.

Korrupsiyaga qarshi kurashish agentligi davlat organlarining ochiqligini taʼminlash boʻyicha ishni muvofiqlashtirayotganini va talablarga rioya etilishini doimiy ravishda kuzatib borayotganini maʼlum qildi. Korrupsiya faktlari haqida fuqarolar 1253 raqamli telefon orqali xabar berishlari mumkin.