Özbəkistanda mayeləşdirilmiş qazın çatdırılmasında dövlət inhisarı ləğv edilir

Özbəkistan 2027-ci ildə mayeləşdirilmiş qazın çatdırılması sahəsini ölkə üzrə özəl sektora vermək niyyətindədir. Prezident Şavkat Mirziyoyev bu barədə yanacaq-energetika sahəsinin investorları ilə açıq görüşdə məlumat verib. Hazırda ölkədə 3 milyon 800 min ev təsərrüfatı mayeləşdirilmiş qazdan istifadə edir. Əvvəllər dövlət inhisarında olan bu sistemə bazar mexanizmləri tədricən tətbiq olunur.

Əndican vilayətində sahibkarların iştirakı ilə pilot layihə başlanıb və gələn il bu təcrübənin bütün ölkə üzrə genişləndirilməsi planlaşdırılır. Prezident qazla təminatın fasiləsizliyinin, təhlükəsizliyin və xidmət keyfiyyətinin əsas meyarlar olacağını bildirib.

Görüşdə neft-qaz sahəsində geoloji-axtarış işlərinin genişləndirilməsi məsələsi də müzakirə olunub. Hazırda Ustyurt regionunda altı investisiya blokunda Socar və British Petroleum şirkətləri ilə axtarış işləri aparılır. Xarici investorlara təklif etmək üçün digər bölgələrdə 128 blok da hazırlanıb; ilkin hesablamalara görə, bu bloklarda 5,8 trilyon kub metr qaz və 560 milyon ton maye karbohidrogen ehtiyatı var.