Ishdan boʻshatish nafaqasidan kimlar foydalana oladi?

Oʻzbekistonning yangi Mehnat kodeksiga koʻra, mehnat shartnomasi bekor qilinganda xodim daromadsiz qolmasligi uchun ishdan boʻshatish nafaqasi nazarda tutilgan. Toshkent davlat yuridik universiteti Yuridik klinikasi xodimi Dalerbek Habibullayev bu bir yoʻla toʻlanadigan pulli kompensatsiya ekanini aytdi.

Nafaqa odatda tashkilot tugatilganda, shtat qisqartirilganda yoki xodim sogʻligi holatiga koʻra ishini davom ettira olmaganda toʻlanadi. Xodim oʻz xohishi bilan yoki mehnat intizomini buzgani uchun boʻshatilganda esa nafaqa toʻlanmaydi.

Miqdori xodimning shu ish beruvchidagi ish stajiga qarab belgilanadi: 3 yilgacha — oʻrtacha oylik ish haqining kamida 50 foizi, 3–5 yil — 75 foizi, 5–10 yil — 100 foizi, 10–15 yil — 150 foizi, 15 yildan ortiq — 200 foizi. Shuningdek, ish beruvchi tashabbusi bilan (xodim aybdor boʻlmaganda), harbiy xizmatga chaqirilganda, avvalgi ishiga tiklanganda, tashkilot tugatilganda, deputatlik vakolati tugaganda, ishga qabul qilishda qonun buzilganda hamda tibbiy sabablarga koʻra nafaqa toʻlanadi.